बीड जिल्ह्यातील शिरूर कासार तालुक्यातील भाजप आमदार सुरेश धस यांचा जवळचा सहकारी आणि भाजपचा पदाधिकारी सतीश भोसले उर्फ खोक्या भाई यांचा जामीन अर्ज प्रथम वर्ग न्यायदंडाधिकाऱ्यांनी मंजूर केला आहे. सध्या तो वन्यजीव संरक्षण कायद्याअंतर्गत बीड कारागृहातील न्यायालयीन कोठडीत आहे.
खोक्या भाई विरोधातील गुन्हे
सतीश भोसले यांच्याविरुद्ध शिरूर पोलिस ठाण्यात वन्यजीव संरक्षण कायद्याअंतर्गत गुन्हा नोंदवण्यात आला होता. पोलिसांनी त्याच्या घरावर छापा मारून शिकारीचे साहित्य, वन्यजीवांचे मांस आणि गांजा जप्त केला होता. याप्रकरणी अँडव्होकेट राजन धसे यांनी युक्तिवाद करत जामीन अर्ज मंजूर करून घेतला.
खोक्या भाईची चर्चा का?
शिरूर येथील दिलीप ढाकणे आणि त्याच्या मुलाला मारहाण केल्याचा व्हिडिओ सोशल मीडियावर व्हायरल झाल्यानंतर खोक्या भाई चर्चेत आला होता. त्याच्यावर प्राणघातक हल्ला, फसवणूक, खून अशा गंभीर गुन्ह्यांचा आरोप आहे. वन विभागाच्या जागेवर दुमजली इमारत आणि आलिशान ऑफिस असून तिथून तो आपला कारभार चालवतो, असेही समोर आले.
वन विभागाने त्याच्या घरावर आणि ऑफिसवर बुलडोझर कारवाई केली होती. त्यानंतर त्याला न्यायालयीन कोठडीत पाठवण्यात आले होते. काही महिन्यांपूर्वीही त्याच्या घरावर कारवाईत शिकारीचे साहित्य आणि वन्यजीवांचे मांस आढळले होते.
गुन्ह्यांचा आढावा
- वन्यजीव संरक्षण कायद्याअंतर्गत गुन्हा दाखल; यातील जामीन मंजूर.
- बुलढाणा जिल्ह्यातील एका व्यक्तीवर बॅटने मारहाण करणाचा व्हिडिओ वायरल; गुन्हा नोंदवला.
- शिरूर येथील ढाकणे पिता-पुत्राला मारहाण; गुन्हा दाखल.
- घर तपासणीत शिकारीचे साहित्य आणि वन्यजीवांचे मांस आढळले.
या सर्व प्रकरणांत त्याच्यावर गुन्हे दाखल असून, सध्या न्यायालयीन कोठडीत आहे.
सतीश भोसले कोण?
सतीश भोसले उर्फ खोक्या भाई हा शिरूर कासार तालुक्यातील झापेवाडीचा रहिवासी असून मागील पाच वर्षांपासून राजकारणात सक्रिय आहे. तो भाजप आमदार सुरेश धस यांचा जवळचा सहकारी व भाजप पदाधिकारी आहे. त्याच्यावर अनेक गंभीर गुन्ह्यांचा आढावा आहे. समाज माध्यमांवर त्याचे दहशतवादी व्हिडिओ व्हायरल झाले होते. वन विभागाच्या कारवाईनंतर त्याची बीडमध्ये व राज्यभर चर्चा झाली.
