वेताळवाडी (प्रतिनिधी- संदीप सोनवणे)
वारकरी संप्रदायातील भाविकांसाठी अत्यंत आनंदाची व भक्तीमय बातमी समोर येत आहे. ह.भ.प. श्री मंहत गुरूवर्य काशीनाथ महाराज यांच्या प्रेरणेतून १४वा नारळी सप्ताह मौजे वेताळवाडी येथे गुरुवार दिनांक २६ मार्च २०२६ पासून मोठ्या उत्साहात प्रारंभ होत आहे. या सप्ताहाच्या निमित्ताने संपूर्ण परिसरात भक्ती, नामस्मरण आणि अध्यात्मिक वातावरण निर्माण होणार आहे.या सप्ताहात दररोज विविध धार्मिक व आध्यात्मिक कार्यक्रमांचे आयोजन करण्यात आले असून भाविकांसाठी ही एक सुवर्णसंधी मानली जात आहे. सकाळच्या सत्रात काकडा भजन, विष्णू सहस्त्रनाम, गाथा भजन असे कार्यक्रम होणार आहेत.
यामुळे दिवसाची सुरुवातच भक्तीमय वातावरणात होणार आहे.दुपारी २ ते ५ वाजेपर्यंत श्रीमद् भागवत कथा आयोजित करण्यात आली आहे. महाराष्ट्रातील नामवंत श्रीमद् भागवत कथाकार व प्रसिद्ध कीर्तनकार ह.भ.प. श्री प्रकाश महाराज साठे यांच्या मधुर वाणीतून ही कथा सादर होणार आहे. त्यांच्या प्रवचनातून भाविकांना अध्यात्मिक ज्ञान, संस्कार आणि जीवनमूल्यांचा लाभ मिळणार आहे.तसेच संध्याकाळी हरिपाठ आणि रात्री ९ ते ११ वाजेपर्यंत कीर्तन सेवा आयोजित करण्यात आली आहे. महाराष्ट्रातील विविध भागांतील नामांकित कीर्तनकार या सप्ताहात सहभागी होणार आहेत.
कीर्तन कार्यक्रमाचे वेळापत्रक
दि. २६/०३/२०२६: ह.भ.प. श्री उल्हास महाराज सूर्यवंशी(जोग महाराज वारकरी शिक्षण संस्था, आळंदी देवाची)
दि. २७/०३/२०२६: ह.भ.प. श्री तुळशीराम महाराज काकडे(अध्यक्ष, संत तुकाराम महाराज वारकरी शिक्षण संस्था, पैठण)दि. २८/०३/२०२६: ह.भ.प. डॉ. श्री रविदास महाराज सीरसाठ(एम.ए., पीएच.डी., श्रीक्षेत्र आळंदी देवाची)दि. २९/०३/२०२६: ह.भ.प. श्री वेदांताचार्य राम महाराज शास्त्री(वेताळवाडी)दि. ३०/०३/२०२६: ह.भ.प. श्री सोपान महाराज शास्त्री(हिंगोली)दि. ३१/०३/२०२६: ह.भ.प. मंहत गुरूवर्य विठ्ठल महाराज(श्रीक्षेत्र गहिनीनाथ गड, चिंचोली)दि. ०१/०४/२०२६: ह.भ.प. निवृत्ती महाराज देशमुख(समाज प्रबोधनकार)
समारोप कार्यक्रमदि. ०२/०४/२०२६ (गुरुवार) रोजी सकाळी १० ते १२ वाजेपर्यंतह.भ.प. श्री मंहत गुरूवर्य काशीनाथ महाराज(श्रीक्षेत्र गणेशगड व श्रीक्षेत्र नागनाथ देवस्थान नागतळा)यांचे काल्याचे कीर्तन होणार असून याच कार्यक्रमाने सप्ताहाची सांगता होईल.
भाविकांना आवाहनया भव्य आणि दिव्य नारळी सप्ताहाचा लाभ सर्व भाविकांनी घ्यावा, असे आवाहन आयोजकांकडून करण्यात आले आहे. नामस्मरण, कथा, कीर्तन आणि भजन यांच्या माध्यमातून अध्यात्मिक उन्नती साधण्याची ही मोठी संधी असल्याचेही सांगण्यात आले.
पूर्वी झालेल्या नारळी सप्ताहाची गावेया नारळी सप्ताहाची परंपरा अनेक वर्षांपासून सुरू असून विविध गावांमध्ये हा सोहळा पार पडला आहे:२०११ – कारखेल बु.२०१२ – सुरूडी२०१३ – नाकाडेवाडी२०१४ – खडकवाडी२०१५ – मोराळा (नागझरी)२०१६ – वनवेवाडी२०१७ – तांबडेवस्ती२०१८ – पाटसरा२०१९ – कापसी२०२२ – नागतळा२०२३ – ठोईठाण२०२४ – धनगरवाडी२०२५ – बावी व दरेवाडी
वेताळवाडी येथे आयोजित करण्यात आलेला हा १४वा नारळी सप्ताह हा केवळ धार्मिक कार्यक्रम नसून सामाजिक व अध्यात्मिक एकतेचा उत्सव आहे. नामस्मरण, प्रवचन आणि कीर्तनांच्या माध्यमातून समाजात सकारात्मक ऊर्जा निर्माण करण्याचा हा एक सुंदर प्रयत्न आहे.